अंबड/प्रतिनिधी/  श्री संत गजानन महाराजांची दिंडी श्री क्षेत्र पंढरपूर येथून श्री क्षेत्र शेगावकडे परतीच्या प्रवासाला निघाली असून, आज दिंडीचे अंबड शहरात उत्साहात स्वागत करण्यात आले.

       दिंडीचे अंबड शहरात आगमन होताच भाविक व नागरिकांनी मोठ्या भक्तिभावाने दिंडीचे स्वागत केले. यावेळी **‘गण गण गणात बोते’**च्या जयघोषाने संपूर्ण परिसर भक्तिमय झाला होता. दिंडीसोबत असलेल्या वारकरी व भाविकांनी भजन, कीर्तन आणि हरिनामाच्या गजरात आध्यात्मिक वातावरण निर्माण केले.

श्री संत गजानन महाराजांच्या पालखीचे दर्शन घेण्यासाठी अंबड शहरातील भाविकांनी मोठी गर्दी केली होती. पालखी सोहळ्यामुळे शहरात उत्साहाचे व भक्तिमय वातावरण पाहायला मिळाले.