विजेची तार अंगावर कोसळून तीन जनावरे ठार;-जंगली कोठे शिवारातील सोयगाव तालुक्यातील घटना

दावणीला बांधलेल्या तीन जनावरांच्या अंगावर मुख्य विज तार कोसळून जनावरे विजेचा शॉक लागून ठार झाल्याची घटना सोमवारी सकाळी आठ वाजता घडली दरम्यान या प्रकरणी दुपारी दोन वाजता महसूल व महावितरणच्य पथकाने घटनेचा पंचनामा केला असून यामध्ये दोन बैल व गायीचा मृत झाले आहे दरम्यान या घटनेत शेतकऱ्याचे दोन लाख चाळीस हजार रु चे नुकसान झाल्याचे महसूलच्या पंचनाम्यात नमूद आहे दुपारी तीन वाजता पंचनाम्याचा अहवाल जिल्हाधिकारी कार्यालयात सादर करण्यात आला आहे

 जंगली कोठे शिवारात शेतकरी ज्ञानेश्वर सयाजी गोरे यांनी पहाटे आठ वाजता शेतातील झाडाखाली दावणीला दोन बैल व एक गाय बांधली दरम्यान या जनावरांना चारा पाणी करून शेतकरी घराकडे गेला असता,झाडावरून गेलेली  जीर्ण झालेली मुख्य विजतार अचानक तुटून जनावरांच्या अंगावर कोसळून या घटनेत तीनही जनावरांचा जागीच मृत्यू झाला दरम्यान घटनेची माहिती मिळताच घटनास्थळी ग्रामस्थांनी धाव घेतली घटनेची माहिती शेतकरी ज्ञानेश्वर गोरे यांनी प्रशासनाला दिली या घटनेची परिसरात हळहळ व्यक्त होत होती दरम्यान घटनास्थळी पशुसंवर्धन विभागाने शवविच्छेदन करून अंत्यसंस्कार करण्यात आले आहे ऐन खरिपाच्या हंगामात शेतकरी ज्ञानेश्वर गोरे यांची दोन्हीही बैल ठार झाली आहे दोन लाख रु बैलजोडी व चाळीस हजार रु गाय असे एकूण दोन लाख चाळीस हजार रु चे नुकसान झाले असल्याची माहिती महसूल विभागाने दिली आहे.