मुख्यमंत्री युवा कार्य प्रशिक्षण योजनेसाठी आधार आणि कागदपत्र पडताळणीचे आवाहन
छत्रपती संभाजीनगर : कौशल्यविकास, रोजगार व उद्योजकता आणि नावीन्यता विभागाने मुख्यमंत्री युवा कार्य प्रशिक्षण योजनेच्या प्रशिक्षणार्थींसाठी आधार आणि आवश्यक कागदपत्र पडताळणी 30 एप्रिल 2025 पर्यंत करण्याचे आवाहन केले आहे.
या योजनेअंतर्गत, प्रशिक्षणार्थींना 11 महिन्यांसाठी प्रशिक्षण दिले जाईल .आणि त्यांच्या बँक खात्यात थेट लाभ हस्तांतरित केले जातील.10 मार्च 2025 पूर्वी सहा महिन्यांचे प्रशिक्षण पूर्ण केलेल्या उमेदवारांना उर्वरित पाच महिन्यांसाठी प्रशिक्षण घेण्याची संधी उपलब्ध आहे. तसेच, नवीन उमेदवारांनाही या योजनेचा लाभ घेता येईल.
प्रशिक्षणार्थींनी त्यांच्या आधार आणि आवश्यक कागदपत्रांची उदा. आधार, शैक्षणिक पात्रता, वय, अधिवास प्रमाणपत्र पडताळणी करणे आवश्यक आहे. तसेच, त्यांनी https://www.cmykpy.mahaswayam .gov.in या संकेतस्थळावरील प्रतिज्ञापत्राचा नमुना संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांच्याकडे सादर करणे अनिवार्य आहे.
आधार सीडेड डीबीटी सक्षम करण्यासाठी, सर्व प्रशिक्षणार्थींनी त्यांचे बँक खाते आधार सीडिंग करणे आवश्यक आहे.
या योजनेअंतर्गत प्रशिक्षणार्थी घेण्यास इच्छुक असलेल्या संस्थांनी देखील कागदपत्र पडताळणी पूर्ण करणे आवश्यक आहे. 10 मार्च 2025 च्या शासन निर्णयानुसार, आधार आणि कागदपत्र पडताळणी पूर्ण झाल्याशिवाय कोणत्याही प्रशिक्षणार्थीला प्रशिक्षणासाठी रुजू करून घेतले जाणार नाही.
प्रत्येक प्रशिक्षणार्थीची नोंदणी आधार पडताळणी (आधार व्हेरिफाय) अनिवार्य आहे. डीबीटी लाभासाठी आधार लिंक केलेले बँक खाते क्रमांक देणे आवश्यक आहे. प्रशिक्षणार्थींनी त्यांचे आधार कार्ड आणि आवश्यक कागदपत्रे संबंधित सहायक आयुक्त कार्यालयात सादर करावीत. कार्यालयातील अधिकारी कागदपत्रांची पडताळणी करतील आणि आधार व्हेरिफिकेशन पूर्ण करतील.अधिक माहितीसाठी, प्रशिक्षणार्थींनी त्यांच्या जिल्ह्याच्या कौशल्य विकास, रोजगार आणि उद्योजकता मार्गदर्शन केंद्राशी संपर्क साधावा. आधार आणि कागदपत्र पडताळणी अंतिम तारीख 30 एप्रिल 2025 पर्यंत करावी.
जिल्ह्याचे कौशल्य विकास, रोजगार आणि उद्योजकता मार्गदर्शन केंद्र. छत्रपती संभाजी नगर या कार्यालयातील श्री प्रवीणकुमार बागले ,संपर्क क्रमांक 94 21 68 70 94 व प्रीतम सोनवणे यांचा संपर्क क्रमांक 72 18 39 94 00 यांना कार्यालयीन वेळेत फोनद्वारे किंवा प्रत्यक्ष संपर्क साधावा असे आवाहन सहाय्यक आयुक्त. जिल्हा कौशल्य विकास ,रोजगार व उद्योजकता मार्गदर्शन केंद्र छत्रपती संभाजीनगर यांनी केले आहे.
