लाल बहादूर शास्त्री महाविद्यालयात ’आविषकर’चे आयोजन
जालना, दि.२८ : डॉ.बाबासाहेब आंबेडकर मराठवाडा विद्यापीठाचा युवक महोत्सवाप्रमाणेच आविष्कार स्पर्धाही यंदापासून जिल्हानिहाय होणार आहे. गणेश महोत्सवानंतर १३ सप्टेंबर या काळात स्पर्धांचे आयोजन करण्यात येणार असून जालना जिल्हयात लाल बहादूर शास्त्री महाविद्यालय निवडण्यात आले आहे.
विद्यार्थ्यांच्या संशोधन व जिज्ञासूवृत्तींना प्रोत्साहन देण्यासाठी राजभवनच्या वतीने राज्यस्तरीय आविष्कार स्पर्धेचे आयोजन करण्यात येते. त्यापूर्वी ही विद्यापीठ स्तरीय स्पर्धा होत आहे. आविष्कार स्पर्धांच्या तयारीसाठी मा.कुलगुरु डॉ.विजय फुलारी यांच्या अध्यक्षतेखाली संयोजन समितीची बैठक शुक्रवारी घेण्यात आली. यावेळी प्र कुलगुरू प्र-कुलगुरू डॉ.वाल्मीक सरवदे, कुलसचिव डॉ.प्रशांत अमृतकर, अविष्कार समन्वयक डॉ.भास्कर साठे, विद्यार्थी विकास संचालक डॉ.कैलास अंभुरे आदीसह सदस्य उपस्थित होते. या बैठकीत चारही जिल्ह्यातील महाविद्यालय निवडण्यात आली. तसेच १० ते २४ सप्टेंबर या दरम्यान जिल्हा स्तरीय आविष्कार स्पर्धांचे आयोजन करण्याचा निर्णय घेण्यात आला. जिल्हा निहाय यजमान महाविद्यालय व स्पर्धेची तारीख पुढीलप्रमाणे:
छत्रपती संभाजीनगर जिल्हा- मुक्तानंद महाविद्यालय गंगापूर : १० सप्टेंबर,
जालना जिल्हा- लालबहादूर शास्त्री महाविद्यालय, परतूर ञ्१३ सप्टेंबर,
बीड जिल्हा- स्वातंत्र्यवीर सावरकर महाविद्यालय १८ :सप्टेंबर
धाराशिव जिल्हा- श्रीकृष्ण महाविद्यालय, गुंजोटी, ता. उमरगा: २३ सप्टेंबर.
या महाविद्यालयाच्या वतीने प्राचार्य डॉ.भारत खंदारे, प्राचार्य रामराव चव्हाण, डॉ.सुहास मोराळे, डॉ.गुलाब राठोड यांच्यासह आविष्कार समन्वयक प्रयत्नशील आहेत. या चार जिल्ह्यातील सहा शाखेतील विजेते स्पर्धक केंद्रीय आविष्कार मध्ये सहभागी होतील .तर प्रत्येक जिल्ह्यातून निवडण्यात आलेले टॉप थ्री संघ हे केंद्रीय आविष्कार स्पर्धेत सहभागी होतील. ३ व ४ ऑक्टोबर रोजी विद्यापीठ परिसर , छत्रपती संभाजी नगर येथे ही स्पर्धा होणार आहे. जिल्हास्तरावर केवळ पदवीच्या विद्यार्थ्यांचा अविष्कार होईल यामधील विजेते आणि पदव्युत्तर पदवी व पदवी तर पदव्युत्तरनंतरची पदवी या स्तरातील स्पर्धा थेट केंद्रीय स्तरावर होणार आहेत. ही स्पर्धा सहा गटात होईल.
