अवैध दारु वाहतुक व मटका घेणाऱ्या ईसमांवर स्थानिक गुन्हे शाखेचे अंबाजोगाईत धाडसत्र.
अंबाजोगाई प्रतिनिधी शेख हमीद
बीड जिल्हयामध्ये अवैध धंदे पोलीसांनी बंद केले आहेत पंरतु चोरुन लपुन चालणाऱ्या अवैध दारु व मटका खेळविणाऱ्या लोकांचा शोध घेऊन कारवाई करण्याचे वरीष्ठांनी आदेश दिल्याने अंबाजोगाई येथे छत्रपती शिवाजी महाराज चौक ते यशवंतराव चौक रोडने एक ईसम मोटार सायकलवर विनापरवाना बेकायदेशिररित्या विदेशी दारु विक्री करण्याचे हेतुने वाहतुक करुन घेऊन जात आहे अशी बातमी स्थानिक गुन्हे शाखेला मिळाल्याने त्यांनी मोंढा जाणाऱ्या कमानीजवळ सापळा रचला असता त्याठिकाणी संशयीत मोटार सायकल आली असता त्यास थांबवुन पाहणी केली असता अवैध दारु वाहतुक करीता असताना एक ईसम मिळुन आला त्याचे नांव गांव विचारले असता त्यांने त्याचे नांव दिलीप बालाजी जाधव, वय ३४ वर्ष, रा. सदर बाजार, अंबाजोगाई हा मिळुन आला त्याचेकडुन दारु व मोटार सायकल असा एकुण ७२,६८५/-रु मुद्देमाल जप्त करुन पोलीस ठाणे अंबाजोगाई शहर गु.र.नं १३६/२०२५कलम महाराष्ट्र दारुबंदी कायदयाप्रमाणे गुन्हा नोंद केला आहे तसेच आझाद चौक या ठिकाणी चोरुन लपुन मटका घेणाऱ्या ईसमांस पकडुन त्याचे कडुन नगदी २१०० रु व कल्याण मटका जुगाराचे साहीत्य जप्त करुन ईसमनामे शेख रईस शेख सलाउद्दीन वय २८ वर्ष, रा सदर बाजार अंबाजोगाई हा व मटका मालक चाँद गवळी असे दोघां विरुदध पोलीस ठाणे अंबाजोगाई शहर गु.र.नं 137/2025 कलम महाराष्ट्र जुगार बंदी कायदयाप्रमाणे गुन्हा नोंद केला आहे.
सदरील कारवाई हि श्री नवनीत काँवत, पोलीस अधीक्षक,बीड, श्रीमती चेतना तिडके, अपर पोलीस अधीक्षक, अंबाजोगाई, श्री उस्मान शेख, पोलीस निरीक्षक, स्थानिक गुन्हे शाखा यांचे मार्गदर्शनाखाली पोलीस उपनिरीक्षक सुशांत सुतळे, पोलीस हवालदार विकास राठोड, मारोती कांबळे, बाळकृष्ण जायभाये, विष्णु सानप, नितीन वडमारे यांनी केली आहे.
